ما كل من قال اني اسهر يعاني ( جديدة)

[احمد الجريفاني]

ماكل من قال اني اسهر يعانـي=
معظم سهارى الوقت طلاب راحه =
السهر سهر اللي بجوف المحاني=
هذا السهر لامن بغيت الصراحه =
ما يسهر الا من خذله الزمانـي=
دماس ليله لاعبن فـي صباحـه =
والسهر ما يزهى جفون الغواني=
ياحلو عين البنت لين استراحـه =
من تطربه دايم رخاص الاغاني=
ماهو كما اللي نازفاتن جراحـه =
والحب ما يمرح بقلـب الانانـي=
ولا بقلب اللي غرامـه شفاحـه =
مادام عمر العبد ياخـوك فانـي=
لاتبكي الدنيا لو الـورق ناحـه =
تـر الدقيقـه لاحسبتـه ثوانـي=
الغانم اللي صار دينـه سلاحـه =
وش انت من لوم المخاليق جاني=
ومن عشرة الهافين واهل البجاحه =
الوقت علمني لسانـي حصانـي=
وان البحر للي يجيـد السباحـه=