مالي بظل الجبل عشٍ ولا عيشه

[فواز الغسلان]

مـالــي بـظــل الجــبـــل عــشٍ ولا عـيـشـه=ولا عـيـب بالـلــي تـرك مربـاه وانحـاشي
لــولا عــجـــوزٍ تـركــتــــه طـــايــحٍ ريـشـه=والا فــلا لـــي بــهـا عــنــزٍ ولا حـاشـي
شفت اللـيــالـي تـدوس الـقوم في جـيـشـه=وخلـيـت عفشي وراي وقـلـت انا ماشي
مااريـد يـظـهـر خلل فـكـري وتشـويـشـه=وامـشـي بوسط العرب ضـايـق ومـنداشي
مـا تـرقـــد الـعـــيـــن لا كـثرت قـراقـيـشـه=وطـير المـعـزه يـذيــره رمــي الاقـفـاشـي
ومااعـيـش بالـشـوك لاضاعـت مـنـاقـيـشـه=لـو طال وسط الـدجـى دربـي ومطـراشي
ابـعـد عـن الجــرح في هـوشـة مـتـانـيـشـه=لا صار مـالـه مـعــك مـرهــم ولا شـاشي
واحذر تراجـي مـتـى يـربح سـهــم بـيـشــه=لا صـرت مـاتـشـري الـغـرضان بالـكـاشي
والــروح عــقـــب الـمـعـــزه وش محـاويشه=وراس الـمـهـا مايـسـد الجــوع بـعـراشـي
الــمــوت عـنــدي ولا عـيــشـة دراويـشـه=او مـقـعـد الـبـيـت مع زيـنــات الارمــاشي
ونـوم الـمعـزه بشـمـس القـيـظ فـي خـيــشه=ولا حـفـرة الهون وسط قصور الابواشي
لا شــان لـعــب الــورق بــادر بـتـكـويشـه=واحـذر تـبـيـع الـصـخـى والطـيـب ببلاشي
ماتــربــح الـمـجــد بـيـن الـهوز والشـيـشه=والا مـتــابـع مـسـلـسـل طــاش ماطــاشـي
مادمـت حـبــل الـمــعــالـي فـاصـلٍ فـيـشـه=فـالــروح كـنــه تـبــيـــت بـدار الانـعـاشي
بالصـدر جـمـلـة خــزون الـقــاف ما نـيـشه=تشبه روايـح عـطـور الـمـســك بـغــراشي
هــي راحـة الـروح لا ثــارت شـواكـيــشـه=وصارت عـيــونـي تـعــاف الـنوم بـفـراشي
ارجـي مـزون الحـيــى تـوضــي رواهـيــشــه=وتكشف نوايف جـبـال الطيب بـفــلاشي
ضـاقـوا هـل الـطرش مـن طـرده وتـنـجـيشه=والجــوع يـقــطــع حـبـايـل راع الادباشـي
بـيــتٍ تـرفـرف عـلــى راسـك خــفـافـيـشـه=والـبــرد يـردم ثـلـوجـه وســط الاحـواشي
ولا يخـدعـك هـرج مـن هــمـه دشاديـشــه=ولا هو عـسـيـرٍ على الـمـخـلوق يـعـتـاشي
والـشـغـل ماخـفــت من فـصـلـه وتـفـنـيـشـه=دامـي عزيزٍ وقــدري يـطــرب الـجـاشي
ومااطـيــع من يـرتـضـي هـونـه وتطـنـيـشه=وبـاع المراجل لاجل بـبـسـي وفـشفـاشـي
عـنــد الـقــرابـه جــزوعٍ ظـــاهــرٍ طـيــشـه=وقـــدام الاجــنـــاب لــو يـنـداس ماهـاشي