الرجل لو ماهو بحمله يقومي

[عايض ابوشيبه]

يأفلان قم خلك قوي العزومي=وأحذر مطيحك يفرح اقلوب الأنذال
الرجل لو ماهو بحمله يقومي=ماصار له يأفلان قيمه ومنزال
من قال بأن الحال لازم يدومي=والله قدير إنه يغير للأحوال
خلك على نهج الرجال القرومي=اللي فعايلهم بقت مضرب امثال
واحذر مخوت ناقلين العلومي=واحذر تجي في مجلس القيل والقال
واشتر مخوت من يسد اللزومي=اللي ليا مالو هل الغدر مامال
اللي عن الهزلات نفسه تشومي=اللي نهار الضيق للحمل شيال
اللي ليا شحو عليك الرخومي=ماشح بالفزعات والجهد والمال
خل الوفاء بينك وبينه يدومي=وافده ليا جاله من الوقت غربال
واعرف ترى مافيه شخص امعصومي=ادمح خطى الطيب على كل الأحوال
لاتستمع فا اللي لفعلك يلومي=حاذر يجي لأهل الحسد معك مدخال
واعداد من لله يحج ويصومي=كثر من التسبيح و الهم ينزال