ابيات رحلة صيد موفقه

[الطامي]

انا لاطرا لي طاريٍ في بعض لحيان = اصمِل عليه ولاعلي من هل الهنَه
مثل ليلة الجمعه بعد تلتي النسيان = معي الخوي احمد صغير ولا كِنه
اعيونه اعيون الذيب والقلب لبليهان = ينادي بجهاز ومرةٍ يحيي السِنه
وخوة نشامى كل منهم هو اكحيلان = يشومون للعليا وبعدٍ من الدَنه
لك الله يابن فطيس سويت النا برهان = مثل ينضرب به وصف للاش والقِنه
صلاة العِشا عند الحفاير هي النيشان = وعد والوعد للربع لزمٍ يمرنه
بعد ماوصلنا للوعد كل شيٍ زان = خذينا النواقص والربع كمولو العِنه
مشينا على الرادار يكشف لنا المكان = ماني بحاجته لاشك مالي غنىً منه
وسرينا على خط الجلوجي مع الجيبان= مساري الذيابه لقطيع يشوفنِه
بعد ماوقف خط السهل بانت القيعان= تخاليط هرم وحاذ ريحه لها بنه
محن نتبع الويلات صوب الهدف من شان = نريح مواترنا من الويل والحنَه
هجدنا بتوفيق الولي عالمٍ ماكان = على حروة اللي قاصدينه بلا مِنه
اصبحنا ودجنا والخوي فارح وطربان = يشوف الطرايد بعد قص لثرهِنه
عثينا بها عثي الذيابه على القطعان = وكلً على فاله وصيده على فنه
بعد ماخلصنا قبل تاتي السَوُع ثمان = نوينا النكوفه قبل نحِتر والكنه
خرصنا المسافه خرص خط قلمة برزان = وبعد الظهر بالخور نطعم مرقهِنه
وفهقنا الهديه طيبه والكريم امعان= من ثلاجة النيسان تعطى بلا منه
قبلها السلام بوصل الارحام للشيبان = حيث الوصل بالارحام يدني من الجنه
بعد مالت الفيه كلً ذكر الاوطان= وكلً توجه في طريقٍ لفى منه