من موقع الأعراب

[حمود السكراني]

من موقع الأعراب لك لمسـة النسمـة=من البحر الأحمر فوق ذوايبك مسديهـا
بمنظومة الأحلام به الحـال منتظمـة =مسيرلك احلامه على وضـع مرضيهـا
هلا يا صدى قصة من الوقـت منهزمة=بهـا دورة الأيـام هــدت مبانيـهـا
بها دورة الأيام أقفت بها بقسمه= بعيدة عليه مــاتسمعه لو يناديــها
خرجتي من المجهول وجيتي مع الكلمـة=وجودك حروف و سر ذوقك معانيهـا
وتربعتي في ذاته و كان الزمـن ظلمـة=رغم كثرة الأنوار دجـى الليـل كاسيهـا
وشافك بها شمعة تحقـق بهـا حلمه=حريصٍ عليها خوف وقتـه يطفيهـا
يناديك شيء بداخلـه ماعـرف بإسمـه=يقولـون ذاك وقـال ابـد ذاك مافيهـا
اذا رغبة العشاق من اللي تبـي جسمـه=ترى رغبته فيهـا عجـب لـو عرفتيهـا
تناديك نفسٍ من ردى الحظ من وسمه=على وجهه الشاحـب تترجـم مآسيهـا
رسم جرح آهاته على صـورة البسمـة=أنين الالـم اللـي بحرفه قريتيهـا
هو الليل وانتي في دجـى ليلتـه نجمـة=هو الحـرف بالكلمـات وانتـي معانيهـا
اذا أنتي فهمتي مقصده فأكملي رسمه=كتب لك حروفه والنقط أنتي حطيها