كــنــك يبــو زيـــــد ماغـــزيـــت

[عيد مشعل]

ماطابلي حلو الكرا = ياويني يا وين المبيت
كذ قيل من وقتاً ورا = مقولتاً فيها بديت
كلاً على همه سرا = وأنا على همي سريت
على حبيباً مادرا = وأنا عنه ماظن سليت
أقدم وأرجع للورا =لاشفت زوله إستحيت
عشانه أمشي لو يرا = حافي على جمراً وطيت
عليك ربي يسترا =صوبت يومنك رميت
ياعين حراً يشهرا = يدمي صوابك لاهويت
كانن جرحي مابرا = بك رحت فيها وإنتهيت
لاياغزال مذيرا = ياكم على فراقك عويت
ياعيون نجلا ًتسحرا = بنونها طفت وسعيت
والخشم كالسيف أبترا = والخد ياضي منه ليت
وشفايفه جمر احمرا =ومجدل ليت فيه لتويت
يتمايل عوده أخضرا = والردف لاشفته غديت
بأهل البوادي والقرا =في زين مثلك مالقيت
ياجعل مزن تحدرا =يسقي وطنهم بيت بيت
الناس بعدك غدرا = وأنت الصفاوه لي صفيت
ودي نصيرلك عشرا = وأعاهد بحباً عطيت
ياصاحبي خلك شرا = وأنت مابعت وشريت
ماغيرك فبالي طرا = دريت ولا مادريت
في غيبتك هم إعترا = ومن المأسي ماحتويت
شف عيوني منك سهرا =وقلبي سرحتبه وضويت
قلبي على شغفك ضرا =وشوقي عصفني ماقويت
البعد والهم كفرا =سيحوا هالدم ودميت
ياهل ترا ياهل ترا = يابعد هذا وين جيت
بعد الثريا لثرا =وألابعيونه المبيت
وكان ماحنلي وتكبرا = يليتني له ماحكيت
كذ قيل من وقتاً ورا =كنك يبو زيد ماغزيت
أبغاه لامنه قرا = يعرف وش قصدي ماعنيت
عشان يعرف ماجرا = مابين حي وبين ميت