إن كان تجهل يالمضيّع وش الطير(شيله)

[الطائر المهاجر]

كيبورديه
http://up.ftahilah.com/up/uploads/Mine/InkanTujhl.rm


إن كان تجهل يالمضيّع وش الطير = فالطير حرّ وعاليٍ في رجومه
طيرٍ مهاجر بالفكر والتدابير = بحرٍ غزير لا تهقوى تعومه
قلبه نظيف ولا حمل حقد للغير= يدمح خطا اللي جاهلٍ في علومه
يحب لغيره ما يحبه من الخير = ولاهوب اناني كل همه سهومه
ماشي على نهج الرجال المناعير= بدرب التواضع واضحاتٍ رسومه
ثابت على مبداه من غير تغيير = ولا اغتر في علمه وعالي نجومه
يشيل هم الغير فعلٍ وتفكير= ويضحك ولو هي ذابحاته همومه
وسيع صدر ولو تحداه طرطير= خذه على قدّ العقل ما يلومه
ويثور كالبركان من دون تحذير= لاشاف بومٍ صار يطرد لبومه
ولا شاف متذيكي نوى خبث تدبير= ولا شاف ابو وجهين رابح بسومه
ولا شاف تاجر دين يخدع بتكبير= من لاعرف اهداف حجه وصومه
ولا شاف من يحظى بجاه وتقدير= وهو حرامي كاشفاته هدومه
ويعلي سهوم اللي نظيف التقارير= درب الفضيله مسلكه بين قومه
ماهوب من يغتاب او ينفخ الكير = شجاع نحريرٍ يقدر خصومه
دنياه ما تسوى ولو ربع قطمير= زاهد بها عايش على رزق يومه
هذي علومه كان تنشد عن الطير= يخاف ربه واضحٍ في علومه