الطائر المهاجر
29-04-2009, 01:32 AM
من كان بيته من قزازٍ يحاذر= لا يرمي بيوت الملا بالحجاره
ومن سهر تال الليل والعقل خادر=فلابد ينضح ماخفى من دثاره
ومن كان في ظنه ذكيٍ وشاطر= يجيه اذكى منه خبث وشطاره
ومنهو مشى في ليل من خلف ساتر= يجهره نور الصبح يكشف ستاره
درب الزلق ممشاه فيه المخاطر= ومن لاحسب لخطاه ماوصل داره
يهوي على راسه ولاحدٍ بعاذر= وعورته تكشف عند قاصي وجاره
ومن صاد بعض البوم في جو ماطر= صيدته سهله مثل طير الحباره
فما كل من نشن فصياد ماهر= ولا كل من ركب الفرس قاد غاره
خذها نصيحه كان بالعقل ظافر= وابعد عن الشبهات واهل الدشاره
فمن طاوع اللي في الملذات سادر= يصير مثله في الردى والحقاره
يطمع به اللي عارفٍ به وخابر= ويمكن على بيته ينشن عياره
يدفع ثمن غلطته لافاق باكر= ومهما يحاول ما يرد اعتباره
ومن سهر تال الليل والعقل خادر=فلابد ينضح ماخفى من دثاره
ومن كان في ظنه ذكيٍ وشاطر= يجيه اذكى منه خبث وشطاره
ومنهو مشى في ليل من خلف ساتر= يجهره نور الصبح يكشف ستاره
درب الزلق ممشاه فيه المخاطر= ومن لاحسب لخطاه ماوصل داره
يهوي على راسه ولاحدٍ بعاذر= وعورته تكشف عند قاصي وجاره
ومن صاد بعض البوم في جو ماطر= صيدته سهله مثل طير الحباره
فما كل من نشن فصياد ماهر= ولا كل من ركب الفرس قاد غاره
خذها نصيحه كان بالعقل ظافر= وابعد عن الشبهات واهل الدشاره
فمن طاوع اللي في الملذات سادر= يصير مثله في الردى والحقاره
يطمع به اللي عارفٍ به وخابر= ويمكن على بيته ينشن عياره
يدفع ثمن غلطته لافاق باكر= ومهما يحاول ما يرد اعتباره