(كــــــــذبة ابريـــــل)

[مسلم عواد العميري]

عند المواقف يظهـرون الرجاجيـل=والاالسعـه كـل الخلايـق فـوارس
دنيـا تعلمنـا مـن العـدل والميـل=علوم تفرق عـن علـوم المـدارس
لاسرت ماانته قـد بعـض الاقاويـل=خل الحنـك للسـان فمـك متـارس
ياجيل جدي فرق عن تالـي الجيـل=جيل الجالكسي والحـلاوه ومـارس
المثل نـد المثـل والكيـل بالكيـل=لابد تحصد زرع له كنـت غـارس
راحت كثير مـن العلـوم المثاقيـل=واختف ميزان العرب عنـد فـارس
بعض العرب معفي من الحمل والشيل=وبعض العرب فيها علامات سـارس
كتبتهـا مـن واقـعـي بالتماثـيـل=وعندي من علـوم المخاليـق وارس
واللي محيرني وعقّـب لـي الويـل=وشلون طير الحر يرجـع نـوارس
حسبـي عليـكِ الله ياكذبـة ابريـل=وشبك تقدمتي علـى شهـر مـارس