ماكل محزم يعجبك حدّ راسه...؟

[محمد الأحمري]

ماكل محزم يعجبك حدّ راسه=وماكل سيفٍ يعجب الظرب راعيه
ولكل رجلٍ ملبسه له مقاسه=ولكل ساقط من سبق له ويشريه
ولكل شئ له من الناس ناسه=ناسٍ رفيعه وناس تشبه مواطيه
هذا ذهب غالي وهذا نحاسه=ولكل مختار اللذي جد يرضيه
هذاك قد شق السحب مد راسه=وهذا نزلبه لين أقصى اراضيه
والفرق واضح مايبيله فراسه=والحر ماخاوى سوى حر يعليه
كلٍ معا قدره تلبس لباسه=ماخذه لازايد ولانقص واسيه
سلام ياذيبٍ على قو باسه=وافي ولاشئ من الوقت يدنيه
ياجود أخضر لابيمكن يباسه =لاماتغير لو ظروفه تعاديه
العرق طيب ماشرب من نجاسه=يثمر ويعطي والكرم من مباديه
ولازاد همك واشتعل في حماسه=فز وتهيأ والشيم من معاليه
صحيح ماكلٍ بيعجبك ساسه=الا اللذي شرّفه حاظر وماضيه
ماكل محزم يعجبك حدّ راسه=وماكل سيفٍ يعجب الظرب راعيه
ولكل رجلٍ ملبسه له مقاسه=ولكل ساقط من سبق له ويشريه