طبعك عجيبي !!

[نجم الإبداع]

رن الجرس رنه لها ضامري حن=قبل الغروب وقلت هذا حبيبي
واثره نداء مجنون ولهاه طاحن =الله على اهل الوقت ربي حسيبي
قلت انت وشبك قال الاموال راحن=من عقب سهم اعمار نفضّت جيبي
خمسة ملايين اسرقوها وساحن = تقول زبدة بوك سيّح نصيبي
بعت العماره يوم الانوار لاحن = طمعه وعيبي حب الاموال عيبي
قلت العفو كنك معبى بشاحن = بالع شريط الضور طبعك عجيبي
قال انت ناظر وارحم انفوس ناحن=من طمعة السنجر وانافي نحيبي
سمعت بالزئبق والاطياب فاحن = من حول راسي زال شكي وريبي
قلت اشتري ميه بخمسين زاحن = واعطي رفيقن لي ميه بالحسيبي
خذنا المكائن وارجعن لي مطاحن = قدام عيني جنها تنتخي بي
حاولت انام ونور الاحزان ضاحن=غفيت مادري نمت قبل المغيبي
فزيت من نومي على جراح صاحن=وجيت اسولف معْك علك طبيبي
قلت اطلب الله مثلك الخلق باحن = وادع الذي لامن دعيته يجيبي
دنياك يابن ادم بها الزور لاحن =خانتْك وانت اقعد بها ياالخطيبي