نتايج رحلتي

[سعد الشقحاء]

صبرت ارجوك ياحظي وأشوف الصبر مني طاب=سنين العمر راحت ما قدرت تجــيب مطلوبي
نتايج رحلتي فيها العذاب ومنــك الاســـــــــــبـاب=بغيتك لي سند لكن صرت مــن اكبر عيــوبي
غديت انت وزماني في طــريقي تقفـــلون الـــباب=تعاونتوا عليه لين حــتى ضــــــاقت أدروبي
كثير من التجاب خضتها وراس منها شـــــــــــاب=عرفت ان القدر دايم على واقع ومكـــتــوبي
أشيل الحمل فوق الحمل ومتني للحمـــل ما هــاب=لكني من مقام الحــــــظ انا معدم ومســـلــوبي
زمانن صار للكذاب والدجــــال والنـــصــــــــاب=زمانن مال عدله صار فيه الحـــــق منهــوبي
نعاني من حسد حاسد ومن ظلمن من الاقــــــراب=ابي درب السعه عنهم يسوقون الردى صوبي
أعاملهم على حسن النوايا وابدي الترحـــــــــــاب=يجي رد الجزاء منهم يمش العيب فـــي ثوبي
أقول الحق لو جاني عليه مــــن الـــــكلام أعتـاب=أقوله مقتنع ما دام هــــذا منهـــج أســــلـــوبي
تعبت من الصراحة والصراحة منـــهــا منصــاب=اثر قول الصراحة صار في ذالوقت عذروبي
وش الحاصل علام الناس تحسب للكلام أحســـاب=تفسر في الكلام وتفهم للمعناه مقــــــــــــلوبي
خلاص أصبح كلام الصدق من وجه الحقيقه غاب=معاد يسام في هـــــذا الزمن لو جاك مجلوبي
تحول لتراث ولبس مــــن وجــــه الحــــيا جلباب=ترفع عن زمانن صــــار فيه الكذب مرغوبي
الا يا حظ لا تزعل انا وياك صرنا أصــــــــحاب=رضيت بعشرتك لو كان ما حصلت ما جوبي
قنعنا في الحياة وتاليتها حــــفـــــرة بــــــــــتراب=نعيش بعتمة قبورن عليها يركـــــــز الطوبي
لكن الله رحومن يقــــــبل التـــــواب لامـــن تاب= وانا باتوب لله جعل ربي يــــغــــفـــر أذنوبي