الــــر حـــــلــــه

[عبدالله مذكر العقيلي]

يـوم الـربوع اجتمعنا سبعـة ارجالـي = نبي ديار جميع الـعشب غاطيهــا
سبعـه على قلب واحـد بالخلا الخالي = نمشي على الكيف والحكمه لـواليهـا
وحـنا على موتر يطرب لـه البالـي = نخلي السهـل والصعبات نعطـيهـا
محـمـلٍ عـزبـةٍ تكـفيـنـي الـيـالــي = ومن كل حاجه طويل العمر حاسيهـا
شال المخيم وشال القـدر ودلالــي = وشال الزلول العريضه مع مـراكيهـا
الهيـل والـبن الاشقر نشري الغـالـي = والتمر والزعفران الذيب شاريهـا
كامل مكمـل من الاول لـيـا التـالـي = ولافـيه حـاجـه على بالـه يخلـيهـا
وجينا نفودٍ جميلـه مـابهـا جبـالـي = أرضٍ تـمـد النـظـر ماشفت تـاليهـا
فيها النفل والخزامى وغيره اشكالـي = وحوى وبسباس والربلـه بعد فيهـا
والعشب الاخضرمغطن قاع وتلالي = ورجلك من الـعشب ماتقـدر توطيهـا
وشبيت ناري وصار الجـو يحـلالـي = وشـربت من دلـةٍ صفراءٍ مسويهـا
ومعـي نشاما عيال أرجـال وابطالـي = أعـلـومهم طيبـه والـطيب زاهـيهـا
وسويت فيهـا بيوتٍٍ كلهـا جزالـي = ابيـوت شعـري ولاواحد يجـاريهـا
واخر كلامي كـلام الحق ينقالـي = الـرحلـه الطيـبـه مـانـي بنـاسيـهـا
عسى المطر كل ليلـه دوم همالـي = علـى ديـارٍ تمـشيـت ابـضواحيهـــا