إنص العتيبية

[ناصر عبيد الهواوي]

ياعبيد وإن رحت للدار الحجازية=خذ مشلحك والحرام ومزهبك خله
والى إعتمرت إنص عايض بالعتيبية=إن كان تبي الشحم والطيب والدلة
تلقى ابو فايز يلاقيك بهلاويه= من قلبه اقولها واحجاجه إفله
إيضاحك الضيف مع فنجال برية=دل الجدود القديمة يا حلو دله
البيت ملفا الطراقي والفداوية=لو يقعد الضيف به شهرين ما مله
ولا هي بمستغربة عادة إمقاطية=ميراث عود ٍ مورثها عيال ٍ له
من لابة ٍبالملاقا تحتمي الهية=ترغم خشوم العدا وتخضب السلة
اجبال نجد الشواهق من جنوبيه=وروق الجبال المنيفة درعه وظله
وكل القبايل على الطالة رهاوية=اهل الكرم والشيم والطيب والملة
في ظل قايد حكومتنا السعودية=وولي عهده سند حكمه عضيد ٍله
اعيال صقر الجزيرة هالنداوية=ياعز من جوه بالكربة افزوع ٍله
قرن وثلاثين عام ونارهم حية=ساروا على نهج ابوهم ماحد ٍزله