(وجــه الــصبــاح)

[عايض ابوشيبه]

احبتي في الفطاحله هي لكم كما اتت


فمان الله ياوجه الصباح وضحكة الأطفال= مدام انك على الفرقى نويتي مامعي حيله
لمحة اسمك وشفت ارسالتك في شاشة الجوال=وفز القلب من بين المحاني ويش باقيله
خذيت ايام اطالع صورتك في عالي الأطلال= وقلبي من بعد فرقاك غنابك مواويله
جلست ابغيبتك عايش عذاب اغيابك القتال= ليا من جيت ابأسلى ماتفارقني تفاصيله
رحلتي مابقالي حيلتن في شوفتك واحتال= رحلتي ماتركتي غير ذكرى حبك اشيله
رحلتي والرحيل اللي بلا رجعه يسم الحال= كفايه من رحلتي زاد قلبي في بهاذيله
رحلتي وابتسامات الفرح في مبسم العذال= وكلن صار ينقل بالخبر وصفه وتحليله
رحلتي والغرام اللي بقى في داخلي يختال=شكالي من غيابك مادرى اني ناوي اشكيله
وانا في حبك الهايم وفي درب الهوى رحال=وبأرضى في نصيبي بالهوى واقبل غرابيله
عسى ليل الهجر لأقفى يعوضنا بليل اوصال=ونرجع للغرام وللطريق اللي يوديله