(.. نم يا جزيل الشعر..)

[سعود النداح]

ابطيت ادور في خفوقـي معاذيـر=ضيعت انا في هامة الشوق رايـه
ودعتك الله يـا جميـل الغناديـر=ببحث مع الايام وش هـو خطايـه
بسوق رجلي دامني قـادر السيـر=بحثهـا للسيـر لــو للنهـايـه
يالله يـا معبـود حسـن التدابيـر=لعلي القـى فـي طريقـي منايـه
ما عاد احسب في حياتي مخاسيـر=ولا عاد احسب وش بقى في سمايه
تعبت اناجـي خافيـات المقاديـر=بذ الهوى والشـوق باقـي خفايـه
ما همني فالوقت جمع القناطير=ولا همني من حد موسه ورايه
البحث جاري في خفوقاً بدى غيـر=لعلي القـى وش سبايـب عنايـه
والين احصـل للحقايـق تفاسيـر=وانهي قديم الهـم واجمـل حكايـه
نم يا جزيل الشعر تصبح على خير=ما عاد الي فالحب والنـاس غايـه