خطابات السجع

[ناصر عبيد الهواوي]

تباكي بعض هالناس في ودهم تمثيل=يحالي لبو مازن ونوحه على غزة
انا انحست ما أفرق من القايلة والليل=واشوف الثوابت تالي الوقت مهتزة
يا هل غزة اصحوا ما على هالبشر تعويل=على اللي رداه الكبر وايزاره العزة
تلووا بحبل الناصر القاهر الجليل=الى شد جيش ايديه بحباله يعزه
بخطاب ٍ سمعنا ماكثر السجع والتطبيل=وهو بالحقيقة ما يزن حوصلة وزة
تكلف بتاليفه يبي يحكم التضليل=ياليته لنصر الله بعد مانتهى دزه
وفت بالوعد لفني وزادت لنا بالكيل=على أرض الرباط ترادف الهزة الهزة
وعربنا تدنت معنوياتهم بالحيل=نودي علمنا مجلس الخوف ونرزه
ونرجي من احفاد الخنازير شدة حيل=وننشي دعاوي واهيه مالها مزة
لو انا استعدينا لهم في رباط الخيل=وقوة عقيدة كان الأوضاع معتزة