لوى سلمان واصهيب وابلال

[زيد راجح]

وين انت ياللي موقفك يشرح البال=تعال للمرسى وقود السفينه
يمّم بنا وافتح على القدس مدخال=واترك لنا نسف الجسور الحصينه
نشوف في غزه وفالقدس الاهوال=مجازراّ تعرض صورها مهينه
مايمسح دموع الثكالى والاطفال=ويخفف اهموم القلوب الحزينه
الا نهاراّ فيه للنصــــــــــر زلزال=يهز عرش اهل الحقد والضغينه
نصراّ تفاخر به على الناس الاجيال=يثبت على صدر الزمان وجبينه
نصراّ مبين يغّير الحال من حال=نسوق له حتى النفوس الثمينه
يعيد مجد وينعش آمال وآمال=مجداّ مع الايام غابت اسنينه
عدّوا لهم عدّوا لهم خيل وارجال=واستنفروا في كل ثغر ومدينه
خلو عدو الدين يشعر بألذلال=يحس بالقهر ويشوف الغبينه
عدّوا لمعركته طوابير وارتال=جيشاّ يدافع دون عرضه ودينه
تفك صولاته عن القدس الاغلال=وتطلق مغاويره قيود الرهينه
يحمل لوى سلمان واصهيب وابلال=وقيادته في ام القرى والمدينه