ليتك تبتعد عني ... جديده

[مبارك أبوظهير]

عيدكم مبارك .. وكل عام وأنتم بخير ..


جديده .. أتمنى قبولها .. بأخطاءها ..



*

أببتعد وأنت ليتك تبتعد عني =مــن صالحـــك ياحبيـــب الـقــلـــب تـنساني

باكر إذا شفت نفسك صرت متــْهني=تدعي لي بخير .. وتـــْضــحـّـي عـــلشــانـــي

أنت تــْـعرفني صدوق وغير متــْجني=واضح .. وضوحــــي على ماقـــيل عنوانـي

أحبك بصدق .. وأتــْمناك لكني=مابــيــــك تــلــعـــب بأحاسيسي ووجــدانـي

مجنون غيره .. عليك أغار أنا مني=وأسال علامي أنا وش فـيْ وشـجــانـــي .؟

شف كل شي ٍ حواليــّه يجنني=لاجـــا لـــذكرك مجال أزيد بـــجــــنــــانـــي

أشوفك أحيان ماتهتم .. ماكني=حبـــــيبك اللي عليه تقـــول شــفـــقـــانـــي

وأتــْذكر أبيات تطري واقعد أغـــني=ماهي على القاف بس تــوافـــق أوزانــــي

شطحت يومه حمد (1) يشطح ويفتني=وأنا بــَـقـّــلد حـــمـــد واشــطـــح بــقـيـفاني


خلاص من حبكم يازين عزلنا=ماعاد لي في هواكـــم شــف أو راده

اللي شبكنا معك ياحلو خلصنا=يكفيني اللي حصل ماأستحمل زياده


وأرجع أهيجن حبيب القلب لين إني=أصير والله مثار لعــطـــف عـــــدوانـي

بالله يرضيك هذا الحال ؟ ماأظني=لذا طلبتك .. أبي تبعد وتـــجـــفــــانـــي

فكــّــر بعقلك وعيد بفكرك وثني .. =خلك بعيد النظر .. ماأحـــبـــــك آنـــانـي

أبــَقــْـنع القلب فـ النسيان يمكني=أنساك .. ولا ّ إعتبرتك أصغر إخـوانـي

أببتعد .. وأنت لازم تبتعد عني=من صالحك ياحبيب القلب تــنـــسـاني


*


مبارك نايف أبوظهير



( 1 ) أخي الغالي .. حمد السعيد