صنداح وفلاح والرامي؟

[نجم الإبداع]

(ف)ياصاحبي وش قالب اللون فوشي = لاتكون ياصنداح عودت فشفاش
(ص)فلاح خوش الهرج ياخوي خوشي = اثرك كذا ياولد الاجواد غشاش
(ف)اللون لون الخط وشبك تنوشي= من لون خطك ناظر العود منحاش
(ص)اهل الكروش مجمعين القروشي = لاتصير معهم يابن منشار فراش
(ف)الي يقول لصاحبيه الهروشي = خله يجي ويشوف من جاب رشاش
(ص)الذيب لازم يذبحك يالوحوشي = العود وحشٍ موحشن عد ة اوحاش
(ف)والي يقول ان المغرد بلوشي = ماجابها تقصيد واعطاه بالكاش
(ص)فوق اللحم ولا تجي بالعروشي = اخذ الحقيقة يابن منشار ببلاش
(ف)ول يارفيقي ثار بارود بوشي = يالي صواريخك تودي للانعاش
(ص)تبي تغش الناس وانت مغشوشي = غشاش مايضحك على شخص غشاش
(ف)ماعرف لدرب الغش والا الرهوشي= لاتتهمني وانت مامعْك منقاش
(ص)العود سوو له عن البرد حوشي = حطوة من ظمن الرحايل والادباش
(ف)العود غايب ماضوى للنقوشي = ماغير يرقبنا من السطح بادهاش
(م)يالي تدلع لابس الثوب فوشي=وتقعد تمخكر تاكل اليوم فشفاش
(ف)الرمي من رامي خذوه الطروشي= مشتول تقْل انه شرب عشرة غراش