ديوان الشاعر المرحوم راشدالحويطي الخالدي

[ياسر عبدالرحمن الخالدي]

بسم الله الرحمن الرحيم
السلام عليكم ورحمة الله وبركاته
الحقيقة وجدت هذا البحث من اعداد الاخ النايف الخالدي

نبذه قصيره عن شاعرنا رحمة الله :
هو الشاعر راشد بن محمد بن سعد الحويط الخالدي من فخذ الخالد الذى يتفرع من فخذ العماير
وعاصر شاعرنا شيوخ الخالد الشيخ حماده بن عقل الخالدي والشيخ عبد العزيز بن حربى الخالدي رحمهم الله
وقد كان ذو صلو وطيده معهم وكان الله يرحمة يملك الكثير من الصفات الجميلة والاخلاق العالية والتسامح والكرم
وكان من المحافظين على قراءة كتاب الله فقد كان يهتم بحفظ وتدبر القران الكريم حيث عرف عنه انه يختم القران اكثر من مره في رمضان ويقرأه طوال أيام العام
ولد عام 1340هـ فى بر الجبيل وتوفى عام 1419هـ وعاش شاعرنا يتيما من الصغر
وكان متنقل كباقى جماعتة بين البر وعنك والجبيل ينزلون بعنك والجبيل صيفا ويرحلون شتاء الى البر حتى استقر فى العقربيه الى ان انتقل الى عنك وضل بها حتى وفاتة رحمة الله
له من الابناء سته وهم : محمد وشريدة وسعد وعبدالله واحمد وفايز . عمل شاعرنا بشركة ارامكو مايقارب من 40 عام
عرف القصيد وقاله من الصغر وكان قصيدة نظيفا معتدلا ومتزن قال جميع انواع الشعر الوطنى والمديح والنصيح
له الكثير من القصائد التى اندثرت لان شاعرنا لم يكن حريصا على الكتابة ومما عرف عنه انه كان ينصح ابناءه بالابتعاد
عن قول الشعر
وهذه مجموعه مما استطعنا الحصول عليها من قصائد المرحوم

..


كنـانـة بـنـي خـالــد
وبسبب هذه القصيدة التي قيلت امام الملك فيصل رحمة الله بزيارتة التي قام بها لمدينة عنـك تم تسليم اهالي عنك صكوك وتم منع شركة ارامكو من اخراج الاهالي.وذلك انه عند اكتشاف حقل غاز بعنك طلبت شركة ارامكو بنقل اهل عنك
الى مكان اخر ولكن رفضو الخروج وفضلو عنك على غيرها وابرقو للملك فيصل بن عبد العزيز رحمه الله


الحويطي قال أنا يوم بيحـت الكنيـن=هاضني عذرا شكت من كثير أحبابهـا
دارنا بنت من الزين منظرها حزيـن=من خطبها غيرنا ما بغـت خطابهـا
ما نبي غيره أوهي غيرنا ماله خدين=نحمد اللي عزهـا وانخـذل طلابهـا
والقريزي في حول دارنا قدله سنيـن=جاه منـع مـن ملكنـا ولا رسابهـا
يدرس الموضوع والناس ضده مبرقين=جعل يسلم حاكم الدين فـك انشابهـا
طرش المرسول قبل العدو والطامعين=قال حدعنـك مـن سابهـا لاسابهـا
وحدهامن شرق سيف البحرللطامعين=وحدهامن قبلـه رستةيمشـي بهـا
ذي بلاد الخالدي من عصورالأوليـن=يامهنـدس ورثـة الجـد مايحكابهـا
المساجـد ثابتـة والمنـازل بينيـن=وعين اخونورةعليهاواهلهاأولي بهـا
ياطويل العمر ذا عندنا وامرك يقيـن=مير نبي صكوك من محكمة كتابهـا
مايعاف الحق وشروع كل مسلميـن=كود خطو دجـه مـادرت وشجابهـا
مايطيعون النصيحة مـن المتعلميـن=كيف تنجـح ديـرة طافـح مغرابهـا
يحسبون يصير ملك بدون مسجليـن=يلعب الشيطان بين العرب واحزابهـا
ودنـا بالقـز كـود ديرتنـا تزيـن=ينتظم مشروعهـا ويتحسـن جابهـا
ودنـا نرتـاح مانصيـر مغمـديـن=مثل جربـا مالقـت والـي يطلابهـا
قبل ينشب قاصر الذات ويغويةالعيـن=ينتشب هو وبن عمه بوسط اترابهـا
مايحب الصوب الأيمن ولايرجع يمين=قبل هذا الناحية عذبـت بالـدا بهـا
مارجا عون من الله ولاوجـه يليـن=النشايب سمـه لـه وجـر اسبابهـا
لنشب صاحواعليه العرب والشامتيـن=امتحـن ثقلةحمـولـه ولايقوابـهـا
ياردي العرف خل ابن عمك لك عوين=ينطح العدوان لامـن عـداك كلابهـا
قالها رجل يحب الرجـال المستحيـن=مايحب اللي غـدت فتنتـه بقرابهـا
ودك ان الرجل يصمل سواة الأوليـن=لاعدى فك الطلب مـن ورا طلابهـا
قلت قاف يقعد النيم والقلـب الفطيـن=والقلـوب الميتـة جعلهـا يقدابهـا
رب عطني متعة من متاع الصالحين=طاعةالرحمـن قبـل اجلهاوحسابهـا
ودي اصبر مير حدوني المتعرضيـن=تب تكنسل دارنـا مـن كثيرالقابهـا
مالنا ملـك نشوفـه ولامتصرفيـن=ما تصح الدار لاضاعت الاريـا بهـا
مايطيعون النصيحة ولاهـم فاهميـن=قدكلـت الـضـو ماسنعواشبابـهـا
جعل ياتن فارياتـن يشقـن القطيـن=مثل راعي السد حتى النخيل أومابهـا
كود ينفك النشب بين ربـع ناشبيـن=ويرجع الشيطان من ساعةقد جابهـا
لونسلم من اهل الحسد كان امسنعين=كل ماجتنـا مشاريـع لـدوا بابهـا
جعل من خالف هل الحق حالة ماتزين=يبتلـي فـي علـة مايفيـد اطبابهـا
اذكر اللي كل الاسلام لأمره ساجديـن=وكل محرم عنـدي الفاتحةواقرابهـا



العمودة
كان شاعرنا مسافر الى الكويت عام 1413هـ عن طريق البر وكان يقود السيارة ابنه سعد وعند مرورة على العمودة
بالسفانية وهى من مرابع بنى خالد وكان كثيرا مايقيم فيها الشيخ حماده العقل وجماعتة وقد تذكر شاعرنا رحمة
الله منازل جماعتة والاحبه رحمهم الله فقال هذى القصيدة




ياسعد لاتسـرع عليـك الركـاده=حافظ على السيـارة اللـى تقـوده
يجب على السايق يحـط اجتهـاده=يشغل حركاتـه ويـؤدي جهـوده
حافظ على الطبلون واضبط عـداده=يعطيك من عقب الحـرارة بـروده
وصلت ربعـك بالفـرح والسعـاده=وايقضت لك عود(ن)سطت به لهوده
لجيت أنا منـزل عجـاج وحمـاده=غموا عيوني لين اطوف العمـوده
ماعاد لـي عقـب المشاكيـل راده=البـر جافينـي سهلـه وصعـوده
من عقبكم ياهل الكـرم والعبـاده=ماعاد اريد البـر لـو زاف عـوده
يامـا شربنـا دلـة فـى قـنـاده=وجنوب حيل(ن) علقت فى عمـوده
جنات عـدن اللـي لطيـف بـراده=عساه مسكنكم الـى هـب نـوده
كل (ن) على همه وهمـي حمـاده=مرحوم ياللي ماكر الجـود جـوده
ما ازين حماده راكب(ن) في شداده=حر(ن) على وكره عريـب جـدوده
لااطلقت سبقه يعجبك فـي هـداده=ابشر وبشر بالعشا مـن صمـوده
هـذي منازلهـا وهذيـك صـاده=والطايرات اطيارهـن مـا يكـوده
وليا قضب له بندق(ن) في زنـاده=يمنـاه تطلقهـا وعينـه ركـوده
وليا ركـب بنـت العبيـه وقـاده=يفرح به اللي صبـح القـوم ذوده
فعله وفعل اللي مضوا بـه جـداده=يردون حوض الموت حـزة وروده
ومجالـس الحكـام غايـة مـراده=كم مشكلات فكهـا مـن عقـوده
أنا اشهد أنـه سيـد وابـن سـاده=ومقاسي بيـض الليالـي وسـوده
من خالـد الاول وعقـل وحمـاده=ابن الوليد متورخ(ن) بـه شهـوده
الطيب في كـل الرجاجيـل عـاده=كل(ن) على حقـه وكل(ن)بـزوده
العمر زرع وعنـد ربـي حصـاده=نسرح ونضوى والاجـال معـدوده
هنيكـم يامدركـيـن الشـهـاده=الموت حق وعنـد ربـي حـدوده
احد هرم واحـد طريـح الوسـاده=واحـد بقيمـان تدافـع جـنـوده
نسيـت كلمـة والحـوادث زيـاده=الله من نفس(ن) طوت به لحـوده
صبر(ن)على ضيم الليالـي عبـاده=صلوا على الهادي وتموا سجـوده


..