وهذه أخرى................

[ابو أنس]

قد يستغرب البعض من الإسم وهو ليس عنوان القصيده ولكنه داخل في حيثياتها....
...القصيده رثائية لإمرأة فاضلة قضت مع المرض ــ اللذي كان قد أصاب ولدها ومات به ــ ردحا طويلا عانت منه الكثير الكثير وكانت بما ينقل عنها صابرة محتسبة تشتغل كثيرا في محاولة اسعاد من حولها.
وصاحبة القصيده (مشاركة وعزاء)قريبة لها من الدرجة الأولى وكانت إصابتها التي توفيت إثرها ولم تمهل كثيرا .كانت اثناء زيارتها لقريبتها المريضه. التي لحقت بها بعد إثني عشر يوما فقط. دون ان تعلم الثانية بوفاة الأولى
فكانت البدايه...وهي على الطرق الهلالي .كما انها المرة الأولى التي أكتب على هذا البحر


الموت لامنه حضر مايردّا=ولابه احد(ن)قد وقف له تحدّا

يمشي على الاقوام ويصيب منهم=واللي حضر دوره ابد ما يعدّا

ولايرد الى حضر بامر حاكم=اوتاجر(ن)منه الدراهم تعدّا

لو هو يفادا كان كلن تفادا=كلن دفع عنه الخطر واستعدّا

لكنّها يوم(ن)وساعه ولحظه=واذا حضر نفذ ولا منه بدّا

يوم الثلوث المغرب اللي حسابه=من شهر ذوالقعده فرط ست عدّا

الموت زار ومن قرانا تعشّى=اخذ عشاه وما لنا فيه يدّا

الصابره ام الولد كان صابر=حبل القدر يوم انقطع ما يمدّا

نسخه تكرر مار ربي وهبهم=قوة صبر مع البلا ما تَردّا

لو المرض في الجسم غادي ورايح=الا ان طيب الروح فيهم تبدّا

مع همهم هم الملا شايلينه=اقعد تقهوا لزم واقعد تغدّا

عنوانهم في الابتسام الف فرصه=واللي خفى عن عزوتي لايبدّا

الخالق الله والمرض جا من الله=واللي من الله ما لنا عنه صدّا

يالله عساك برحمتك تحتويهم=وقبورهم تزداد فسحه ومدّا

يجي لهم في جنّة الخلد مسكن=ولهم شفاعه فاهلهم ما تردّا