المصافحة الاولى وقصيدة ((ياهاجسي))

[طلال البدور الشهراني]

ياهاجسي كنك كما السيف مجـرود=زدت الهموم اللي تزيد الجراحـي
عذبتني مـن بعـد عديـت لحـدود=والقلب توه مـا سـلا واستراحـي
كني على ممشاك ضايع ومطـرود=ذوقتنـي فالوقـت سـمٍ ذحاحـي
ليتك على اديار المزاييـن ماتعـود=حيث ان بها خلي عظيم الملاحـي
لامن ذكرته ياعرب هبـت النـود=تنعـش فـؤادٍ ضايـقٍ فالمراحـي
لامن بغيته قالـوا البـاب مسـدود=مدري كـلامٍ صـدق ولا مزاحـي
مايعرفون ان الحبل معـه مشـدود=نـارد علـى عـدٍ زلالٍ قراحـي
ياصاحبي خل كل عـاذل ومقـرود=خله على غبن وبلـى وانفضاحـي
ماهمني لوجالت احـزاب ووفـود=ماهمني لـو يرفعـون السلاحـي
وانا اشهد اني بك محارب ومضهود=لاكن صابر لو يطـول الصياحـي