ترك الردي

[عذب القوافي]

((ترك الردي))


ترك الردي يالقرم مابه حسوفـه=خلّه وجنّب و إترك دروب الانذال
وش لك بهيس ٍ مايعشي ضيوفـه=ومن صاحب الرديان قدشاف غربال
الشح والجفوه تراهـا وصوفـه=وإلى تمّكن واضح إنسان محتـال
يفرح يشوف إنسان حلوه ضروفه=مصادقه من شأن يغنـم ويكتـال
وعلى المراجل ماتساعد كتوفـه=وإلى تكلّم يملك لسان دجّـال
من صاحبه لحضات بعده يلوفه=شحيح نفس ٍ مهنته قيل ماقـال
صاحب كريم وبالمهمـة تشوفـه=وقت الشدايد موقفه موقف أبطال
وقت اللوازم ماينفّـض كفوفـه=وافي ويظهر لا أحتمى أشهب اللال

تقديري للجميع ,,,,,