كنا صحاب

[السندريلا]

كنا صحاب وفى مدرسه واحده
وانتهت الصحبيه بوحده
كنا نقابل بعض بشوق
وبشقوتنا الهم يروق
كانت بينا أمال وموده
كنت أعرف ايه اللى فى قلبك
من عينك ياصديقه عمرى
لكن فرقنا فى لحظه الشىء
اللى لاهو بأمرك ولا أمرى
وأفتكرك وانتى بتحكيلى
لما فى ليله أبص لقمرى
يوم ما بكيتى شلت أنا همك
واتبرعتيلى انتى بدمك
يوم ماتعبت وكنت بعانى
ويارتنى أشوفك من تانى
داأنا جدت فى حياتى حجات
تنفع أفلام أو رويات
نفسى أشوفك كده واحكيلك
على كل اللى فى بعدك فات
امته تعود تانى الصحبيه
ويعود للغنوه الموال
دااحنا بنكبر يوم ورا يوم
ومهما كبرنا برضه عيال