يا ذيب

[الذيب الذيب]

تحياتي وتقديري للجميع وقصيدة أرجوا أن تنال الإعجاب


يا ذيب ياللي بالخلا لك قنيبي = مصيوب ولاّ فاقدٍ لـــــــــــك حبايب
جرحي عطيبٍ ما يفيده طبيبي =قامت جروح القلب تنزف عطايب
والدمع من عيني تهلّه صبيبي = والكبد فيها زاد حــــــــرّ اللهايب
يالله متى وقتي يزين و يطيبي = وتروح ما بي مـــن هموم و كرايب
دنياً بها كلّ الغريب العجيبي = اللي خسر واللي يحصّـــــــــل كسايب
والنور لو يشرق يعوّد يغيبي =والليل لو طوّل يجيله نــــــــــــدايـــب
بطلوع شمسٍ زال شك ٍ وريبي =والحي مصيره تحت ذيك النصايب
ودّي بمجلاسٍ قريب الشعيبي =والجوّ غايم والمطرلــــــــــه ســـكايب
ريح الخزامى والنفل ريح طيبي = لاهبّ نسناس الهواء بالهـــــبايب
وصوت الرعد صوتٍ يشوق الطريبي =والبارق الامع بذيك السحايب