نـــــــــــــــــوت

[ماجد الزيد]

http://up.fatahilah.com/up//uploads/bd595361bf..rm


http://www.alriyadh.com/2008/03/27/img/283084.jpg

(نــــــــــوت) وش همّي من اللي يشمت بحال الهوى=وانت ِ ماطى جزمتك بالارض اشرف من عذول
كلّ ما مريت رجمك ذيب ٍ بقلبي عوى=عوية ٍ تشلع خفوق الليل يالرّيم الجفول
كل شريان ٍ سريتي فيه يا نوت التوى=التوى في غيبتك والقلب يا نوت امْغلول
ما ذكر لي وادي ٍ جيتي له الا وارتوى=من حنين ٍ اللي كفخ لا جاب له علم ٍ رسول
نــوت يا وجه البشير افداك عمْر ٍ ونْطوى=ما انطوى الا طوى روح ٍ فدى نوت البتول
لو كشحت ضلوعي الا تنظرين الإْشتوى=لا يغرّك من شموخ الجال .والخافي يهول
لعنبوا حيّك انا والقبر الاظلم من سوى=ميّت ٍ يا نوت ميّت يا عسى عمرك يطول
المعنّى قد ترجل عن جواده وانزوى=في حمادت نوت موته نجم ٍ وجاه الافول
يسعد الله الجنون .الحق مجنون اسْتوى=والْعَقَلْ له حزّت ٍ لا قيل ماجد .وش تقول
ويش مجنون ٍ دماغه الف علاّم ٍ حوى=ما يطيع بحبّ نوت ولو لحق عظمه نحول
الهوى داء ٍ ونا يانوت مابغالك دّوى=بل طلبت الله يزيده .يوم اركيت الحمول
ما يميْزه غير قلب ٍ انكوى منْه انكوى=هو يعرْف الحب قولة عاقلٍٍ ولا مْهبول
نوت لك عهد ٍ مدامي حيّ و آشم ّ الهوى=مقفل ٍ قلبي بقفلك لا يفكّ ولا يزول
كم اصاب العشق سيّد من شديدين القُوى=خلّفه مقتول ينعى مقتله ضبحَ الخيول