طفشان .....طفشهم

[نجود]

:d طفشان ....طفشهم

كل واحد مننا تجيه حالات يطفش فيها ويحب يغير الروتين اللي عايشه..
فإليكم أحدث وسائل التطفيش المجربة

<<اسأل مجرب ولا تسأل حكيم

إذا كنت طفشان ...فطفش اللي حولك..
هذي خلها ببالك..
أنت ماسمعت بشيء اسمه مشاركة وجدانية!!!

المهم
لاصار اخوانك او اخواتك نايمين الخميس والا الجمعة والا بالإجازة الطويله عادي يصلح نايمين لين الظهر طفي المكيف وقول قسم بالله اللي يشغله ياويله(هذا إذا كنت اكبر منهم لكن لاصرت أصغر منهم أنا مش مسؤولة) وترى يصلح يسويها الأبو بولده..
إسألوني سووها فيني بعز الصيف وقاومت لين العصر
بس من جد رفعت ضغط..



إذا كانوا إخوانك الصغر قاعدين عند سبيس تون خذ الريموت بما إنك اكبرهم يعني ولك خيارين:
اقلب لمحطة الأخبار
والا اقلب على محطة السودان والا ارتيريا..
وإسألوني لا صرنا متابعين مسلسل وأبوي يبينا نقوم ندرس قلب على السودان وقعد يقرأبالجريدة ولا تكن شيء صار..
من جد رفعت ضغط..
( اللي يعرف يعلمني وشلون أشفر هالقناة..)


إذا فتحت الثلاجة وشفت قوطي بيبسي أو سفن ويصلح ميرندا مب حقك اشربه.. بس لاتنسى تحط القوطي بعد ماتخلص بنفس مكانه عشان لاجاء راعيه وفتح الثلاجة بيشربه يلقاه مشروب..
بس انتبه لا تشوفك الشغالة لأنها بتحرش عليك..


لا صار جهاز الكومبيوتر مب حقك لحالك..مشترك يعني فاحسن شيء تحط له رقم سري
عشان لاجاء اخوك يستخدمه بيقولك وش الرقم قوله 12345 بيقولك خطأ قول اجل ماأدري جرب 54321 بيقول خطأ قل أجل شكلي نسيته..
وخله يوم عادي يومين منقهر منك..



لاصار أخوك من ثامن المستحيلات يوديك مشوار تبينه من اول ماتطلبينه يعني لازم يسوي حركات نذاله ...قولي له خلاص ماأبي
وسوي نفسك زعلانه...عاد أكيد مب مهتم
وبعد كم يوم لا شفتي مفتاحه على الطاوله خذيه وخبيه وبيقعد يحوس يبي يقول تطلعونه من تحت الأرض ماعلي... عاد انتي لا تصيرين غبية وتحطينه بغرفتك لنه بيشك فيك حطيه بالثلاجة بكرتون البنادول..لا واحسن شيء لا صرتي تدرين إنه معزوم..
بس هاه مالي دخل..




لا صرت طفشان مرة بس مو مرة يعني وسط... ماعليك الا غنك تحك رأسك وعلى طول بتجيك أفكار جهنمية..
بس عاد اسمع لا تمصخها معهم مرة...


ايه لا صارت اختك توها مستلمه شيك مكافاتها ويفضل انه يكون أول شيك صدقني له طعم غير خذه منها يالفالح بس من دون ماتدري..
وقولها يالله ماتبين أوديك الراجحي تصرفينه بكره انا مشغول..
وخلها تحوس تدوره وانت سو نفسك راحمها ودور معها..
وبعدين قول انتي مهملة انتي وجه شيك..انتي وجه مكافأة..
وبعدين قول ميخالف لا تصيحين..
تبي تقولك من قالك اني أصيح..
قول لها لا بس عيونك تلامع شكلك تبين تصيحين

عاد هنا تبي تصيح مب عشان الشيك عشان اسلوبك
هع هع
وناسة لما تطفش اللي حولك اسألني..


لا صارت اختك توها شاريه جزمة جديدة (أكرمكم الله)
وتبي تكشخ فيها للمدرسة
لا صليت الفجر خذ فرده منها ياليمين ياليسار وعادي يصلح الليل لانامت وخبيها(وغبها يعني) وتبي تحوسكم الصبح وين جزمتي الجديده ويمكن تصيح ويفضل غنك تجربها مع طالبات الابتدائي... صفوف دنيا بعد.



لا صار أخوك توه شاري عطر جديد.. لا وغالي بعد...روح خذه وعطر غرفتك وعطر نفسك يعني خلص ربع القنينه...
ولا هاوشك قوله ياأخي ذوقك حلوه مرة ....وش أسوي...!!


لاصار اخوك عازم ربعه ماأدري بالملحق والا بالمجلس واكيد بيطلب قهوة..
انتي جهزي كل شيء الصينيه والتمروإذا جاء يأخذ القهوة(اكيد عندكم اكثر من زمزميه)حطي الزمزمية الفاضية بالصينيه وخليه يروح..
تخيلي شكله بيقهوي ربعه وبيصب القهوة والزمزميه فاضيه
هنا بيجن جنونه.......
عاد بيرجع المطبخ والشرر يتطاير من عيونه وانتي حطي الزمزميه اللي فيها القهوة على الطاولة وقولي له وراه مااخذت القهوة؟؟
عاد بيقولك شغلك عندي بس خليهم يروحون..
عاد انتي اكتمي ضحتك والا بينسى ربع وبيلتفت لك..
عاد اللي تسوي هالموقف لازم تتسم بالشجاعة
هذي ماجربتها بس خطرت على بالي..
بس هاه لا تسوينها في ابوك صعبة شوي
شوي بس .خخخخخخخخخخخخ


اما إذا تبي تطفش مشرف أو مسؤول المنتدى اكتب موضوع علمي وحطه بقسم الأشعار والا العكس..
هنا بيقول وش هالحول وبيروح يسوي نقل بس لو إني مكانه سويت حذف على طوووووووووول


اسمعوا عاد عطيتكم هالنصائح عشان تلطفون الجو
عاد يالله عطوني شيئ جديد..

صدقوني كل القصد لعب اعصاب