مجارة لقصيدة الصريح العتيبي ( جنيه الذهب

[داعي الشوق]

عندما إطلعت على قصيدة الأخ الشاعر الكبير / عايض ابن سرحي ( الصريح العتيبي )

بعنوان ( جنيه الذهب ) وقرأت بين سطورها كلمة حافي ،،، جاءت هذه الابيات

أتمنى أن تكون في سياق وروعة أبيات الصريح ،

قال الصريح ..


انا اصرف لابن راشد جنيه الذهب صافي = وترجع عّليـه عملـة احميـد مشروكـه

وهو للذّهب مثـل الصراريـف صرافـي = وخزنة جنيهاته اليـا احتجـت مصكوكـه

ادّور ثمـن ذيـك الجواهـر والاصدافـي = غد(ن) والعوض فيها من الصاحب اشكوكه

يحسب اني امشي مثل بعض العرب حافي = وانا اسبح على بحراّ يغوصـه بسنبوكـه

وانا ماطلبـت إلا الوفـى منـك يالوافـي = عسى ساعـةّ فيهـا عرفنـاك مبروكـه

لعلـك تعيـش وراعـي الحـق يستافـي = حشى مارضينـا تلحقـك طقـة الشوكـه


.....................

وجاءت مداخلتي كما يلي :



قريت الك يا بن سرحي بيوت(ن) خفافي = بيوت(ن) تلعلع مثل لعلاع بازوكه

تشكّى فعايل من تحسب انه سنافى = مار لا تضيق ولا يجي صدرك ضكوكه

على ما فعلته لا تحسّف بما طافي = دام شفت مردودة تبيّن من سلوكه

هذا الوقت يا عايض مماشيه بعطافي = تشابه معادنها مع نقود مسكوكه

ترى اليوم لا شفت الرجل قلت ياكافى = سواليفه كبار ومواجيب مسفوكه

ترى الود ما يفسد ولو جابه خلافى = على كلمة الحافى شبابيك مشبوكه