روايـة شكسبيـر ؟؟؟؟؟؟؟ والمري

[الطامي]

ابدي انا المشراف واعود وارقـا= غديت كني قانصٍ مضيـعٍ طيـر
والعي بصوت يشبه لصوت ورقا=وادق زورٍ كن وسطـه مناشيـر
واجـر ونـاتٍ وبالكبـد حـرقـا=مما لجا بي من همـوم وتفاكيـر
امُـر انـا بايـام كنـي بفـرقـا=من الظروف اللي حدتني عن الدير
اسبوع بعد اسبوع واسبوع سرقا=قد هي قريبٍ للشهر جعلها خيـر
وانا احتري من هاتفي ضوح برقا=رسالة ارحب يازبـون المناعيـر
المشكله جنبي وانا عنـه شرقـا=مابيننـا حـدٍ ولابـه مشاويـر
لاكـن خوفـي للمواثيـق خرقـا=وتروح امانينا روايـة شكسبيـر
لولا الأمـل بالله لاطرقـه طرقـا=ياحض من قلبه يطاوعه بالغيـر