شـقـيـقـتـي

[انكسارات النخيل]

http://www.arab-x.com/uploads/Feb-06/daefd7528b.jpg
مساءكم ورد

أهديكم احبائي هذا النزف المتواضع وأضعه بين أيديكم وقد نشر لي بصفحة دوحة الشعر بجريدة الوطن القطريه

والتي هي من إعداد الشاعر المتألق راضي الهاجري وإشراف شاعرنا الكبير فالح العجلان.





اصعب مواقف يمكن يعيشها انسان=مـوت الـرفـيـق اللـي يـعـزه ويـغلـيه

وانـا فـقـدت اللـي حضنتني بتحنان=واللي وهبتني من الغلا أعظم معانيه

شقـيـقـتـي لا عـاش قبـرٍ ولا كـان=يومـه يفـرق بيــن غالـي وغالـيـه

انتـي رحلتـي وصرت للحزن عنوان=والفـرح مـن بعـدك مضيـع اراضيـه

يـا حـر دمـعٍ قـد حبسته بالأعيان=يلعي فراقـك يالحبـيـبـه وينعيـه

توي عرفت الغربه بوسط الأوطان=وتـوي عرفـت الهـم بأكبر معانيـه

وتوي لمست معنى معاناة انسان=جرحه سطا به ولا لقى من يداويه

وتوي اكتشفت مابه صديقٍ ولا خان=وفهمت قصدك بالردي ومـا يسويـه

كنت احسب ان الطيب راعيه كسبان=حـتـى زرعـتـه ولا لـقـى مـن يبـاريـه

عقبك عرفت ان الصدق قول بلسان=وقليل مـن يعطي وعـد ثـم يـوفيـه

وتوي عرفت اكبر عذابات الانسان=مـوت الرفيـق اللـي يعـزه ويغليـه

دمتكم بوّد