الرعد ــ وصوت الاحساس (من الصوتي)

[صوت الإحساس]

صباحكم /مساكم كادي
تشرفت بمحاوره خفيفه وسريعه مع الشويمان

كما هي






يا علي ويش رايك في معنا وشاقي = من همومه جفا عينه لذيذ المنام
الهموم الكبيره وثقّت لي وثاقي = شوف كم لي وحظي طاح ماعاد قام
لا اغربت شمس يومي ازمل من احتراقي = في لهب نار هجر اللي بفكري دوام
كل ماقول يمكن زان جوي وراقي = عكّر الجرح صفوي لين يبري العظام
آه من جرح غاير بالحشا ما يلاقي = طبه الا بحسينن شايفه قبل عام
والله اني ضحية لوعتي واشتياقي = والله اني احبه وان لحقني ملام
يا عجايب جماله والوصايف رواقي = كامل الزين يسرق قلب حتى الامام
انكسرت بغيابه ليت كسري بساقي = كسر خاطر عسى الله يجبره والسلام