آرد على سبعٍ مفاريد واجداد

[بنت القصيد]

للتواصل مع قلوبكم

.
.

اتمنى ان تحوز على رضاكم
.
.


ياهاجسي وان كان للضيق ميعاد=سود الليالي جددت لي لقاها
قمت آتجاهل غيّها بين الاحشاد=لين الليالي حذّفت لي حصاها
مافاد هرج القوم واللوم مافاد=ليت الليالي ما تورّث غثاها
جمر الغبن قدمي على طول وقّاد=والعين حتى العين شحت بماها
من قال بس الضيم شافوه بغداد=بعض الدول ضيم الزمان ابتلاها
ثوب الفرح مرقوع من ثوب الاحداد=بعض الاوادم ما نميّز رداها
دوّرت في طرس البشاير والاعياد=عن ترجمت معنى الفرح محتواها
واثري غبنت الذات والذات نقّاد=لنّ الفرح ايام عمري رماها
وش عاد ياغبن الغنادير وش عاد=اطعون قلبي تشتكيني دماها
كن البلا لسمي على طول نشّاد=ولاّ يحب اللي وصوفي كساها
ياهاجسي يوم المخاليق رقّاد=يوم ان كل الناس نالت رضاها
شفني عبرت الماد يامحدد الماد=نفس العزيزه ما يزعزع وفاها
حتيش ياوجه الردى جنّب احياد=قبل ان وجه البنت يزهق غطاها
آرد على سبعٍ مفاريد واجداد=تآرد لهم بنتٍ تجدد عناها
وافهق خطاوي ضيق وا كيد حسّاد=كيدن من احروفن تعلّى نداها
يعني عليل الحرف عندي له ضماد=عندي أنا طب الحروف ودواها
مشكاي طالت صار للضيق ميعاد=سود الليالي هاجسي لي حداها
اشكي عليك الحال مشكاي مافاد=مير الليالي جددت لي لقاها