لـــلـــــــتــــــــواصــــــ ـل معكم

[شجاع عمر الأكلبي]

للتواصل معكم

هذه الأبيات وصلتني من أخ غالي على قلبي جداً وهي تتحدّث عن نفسها



أشفق على علومك كما شفاق ضميان=يشفق على الما في لواهيب كنـّة
أو مثل مايشفق على الطيب مرضان=جميع أداوي الأرض ماعالجنـّه
لاتحسبني بالبطا عنك طربان=لاوالذي نزل كتاب ٍ وسنـّة
لكن مشاغلنا ونزحات الأوطان=وظروف وقت ٍ خاطري شيبنـّه
شجاع مما أشوف ياخوك عمسان=والفكر دورات الزمن عاقبنـّه
تغيّرت فيه المخاليق يافلان=حتى أغلب العربان أخلف بظنـّه
ولقيت أنا بالصبر ياخوك برهان=وممشى الخلا ينزح هموم ٍ مرنـّة
وأقبل تحية خوك ياطير حوران=والله يجمعنا بفردوّس جنـّة


وهذا ردي عليه


ألف ٍ هلا ماغاب نجم ٍ ومابان=ومازاف عشب وخالط النود بنـّه
يانسل من صيته مع القاص والدان=وفي كل ريع ٍ يطرب الناس فنـّه
أنا على بيض النوايا بليهان=وعلى الخوي علم ٍ بدالي ماكنـّه
والطيب له في منهج الرجل برهان=والصدق صوته مايجي فيه خنـّه
وكلمتك يالرجال في وجهك عنان=وشرواك من بعض المعاني نحنـّه
وكم مبصر ٍ بالعين والقلب عميان=ساوا ربيعه مع وقوت ٍ كلنـّه
ويهد بوم وفي يده طير شيهان=والبوم ماضفـّر نفوس ٍ رجنـّه
وسلم ودم والعلم زبدة ونيشان=وياجعل حضـّك مايكشر بسنـّه