يبتين بالكايد وردها .....

[علي ابو عمار]

أسمحوا لي بمتعكم بالسالفه هذي

ارسلت لأخي الكايد صنداح الزلامي أستأذنه في بيتين كتبتها فيه

والرجل ما قصر وافق وارسل الرد معها وكأنه يقول (( لا تحرش ))

بس بيض الله وجه ورفع شانه على دعمه السخي معي وأعتقد الجميع


نص الرساله
مساك الله بالخير هذي تسمح بها ولا لا

رد على مداخلاتك بالقصيده

واذا فيها تعديل انت ابوها وسمها


لاهنت


صنداح زار الدار يامرحبا بـه =الكايد اللي يكحل العيـن شوفـه
رجـال مقبـولٍ وكلـه حبابـه =يعجبك في قافه وباقي وصوفـه
لونه حَمَار الـدم لـونٍ كسابـه =لا جبت لك موضوع لازم يحوفه
يبصم على المضبوط والشّين عابه =وهاذي طبوعه واضحه ومعروفه




وهذا رد ابو محمد :
وليه لا اقول مرحبا تراحيب المطر واستلم الرد



يامرحباباللـي وصلنـي كتـابـه = بأ حلى كلامٍ راسـمه فـي حروفـه
أهـلآ هـلا عدادوبـل السحابـه =واعداد من بالارض وللي نشوفـه
واعداد من زار الحرم واستعابـه =واعداد مـن ردو منـه بالنكوفـه
غالي ومن شخصٍ عزيـزٍ جنابـه =وراعي وفاء والطيبـه ماتطوفـه
ولو ان في بعض السوالف غرابه =وانا اعرف الرجال واعرف ظروفه
واللون الاحمر ياعلـى وشتبابـه =يكقيك من راعيه صامـل وقوفـه
اسر مع الشعار مسـرى الذيابـه =وهات المثايل صاملـه ومعسوفـه
واهجم على المطـران ولا عتابـه =ولا ياخذك في من مسكته مروفـه
تراك لك حـرفٍ يشـب اشتبابـه =وعندك سيوفٍ روسهن معطوفـه
والشاعر اللي تمسكه صـك بابـه =حط الرماح اللي معك فـي كتوفـه



بيض الله وجهه على ما قدم ولا نستغني





والسموحه منك يابو محمد على النقل لاهنتوا