كيف يرجي للشذى من ورد يكسيه الذبول ! !

[عبدالله راشد الثويني]

أضعها بين أيديكم ، لعلها ترتقي لذائقتكم



قال منـهو لا نطق با الشعر يفقه ما يقول=حاسب الحرفه حساب قبل تسمعه الرجال
سالك أدروب المعالي مارضى درب النزول = عارف إن الريح عمره ما يأثر با الجبال
با الصبر عنده لياقه ماشكى ثقل الحمول = يجرع العلقم وطعم المر بلسانه زلال
ماسعى وآجهد لنفسه خلف أقوال الجهول=والليالي تتعب اللي خلف قول النذل مال
ياردي القول لو ترسل من الغربان جول = عوٌدت سود النوايا دون تحقيق المنال
ماغلى دمي عليك كيف يغلي يا عذول = واثق الخوه ملك ، وإنت خطواتك هزال
ماقهرني غير زول النذل با الدنيا يجول = بالعسل يخفي سمومه يوهمك مثل الخيال
بس تدري وش يسبب للمحبين الخمول!=يتركونه لو يزيد الكيد ويزيد الجدال
لا نظر للي يحبه ينتظر منه الهطول = بعدها يلقى الإجابه لو طرح ذاك السؤال
كيف يرجي للشذى من ورد يكسيه الذبول=كيف يرجي من خفيف العقل حكمه أو عدال
مادرى بالعدل يوجب لا أتى فاسق بقول = فالتحقق شرع واجب قبل تصديق المقال
للمضره في بعض أوقات القى بي ميول=حيث بعض الضر يحمل خلف طياته جمال
لا نصاني من نوى للشر بانجاس الفعول=ثم كشف لي سر مبهم كم عليه الصبر طال
ثم توقف وسط خيره يمتزج فيها ذهول=حس إن الوضع غاير ، أو حصل فيه إختلال
لو علمت إن المصيبه بعد مايأتي تزول=كان من شوقي لفعله قلت يا الغالي تعال
مانويت أجعل حروفي داخل ابياتي تطول=قدر ماحاولت أترجم مانصى فكري وجال


كل الشكر لمن عطـر صفحتي بتوآجده