محمد الأحمري
29-03-2008, 09:56 PM
شف طلبتك لاتحاول إنك تعيد المحال = والمحال شلون يرجى فكر وخلك فطين
لي طبخنا البن الأشهب في وسط ذيك الدلال = هل يعود البن نفسه في كفوف البايعين
والعلاقه بيننا كالبن وافهم ذا المثال =واكرمتني بفنجال جرحك ياعساك ابيض جبين
الجرح باقي بنزفه مايطيق الاحتمال = وان صبرت شلون بصبر والقلب ثاير غبين
لو بغيت الشر أسهل مثل ماركز العقال = بس نفسي من ترفع ماتقارب وحل طين
ماابي منك تفاهم لا ابي منك جدال = ولا ابي اشوف زولك بين جمع الحاضرين
الكرامه عندنا ماتهز بكثر مال = لو تموت النفس تركع للكرامه كل حين
ياما اصحاب نسينا وياما حب راح زال = لأجل اعطر بشت عزي من ورود وياسمين
خل يطفى الكيد يمكن كثر وقت واحتمال = يصد نفسي عن مرد الدين بالغالي الثمين
لي طبخنا البن الأشهب في وسط ذيك الدلال = هل يعود البن نفسه في كفوف البايعين
والعلاقه بيننا كالبن وافهم ذا المثال =واكرمتني بفنجال جرحك ياعساك ابيض جبين
الجرح باقي بنزفه مايطيق الاحتمال = وان صبرت شلون بصبر والقلب ثاير غبين
لو بغيت الشر أسهل مثل ماركز العقال = بس نفسي من ترفع ماتقارب وحل طين
ماابي منك تفاهم لا ابي منك جدال = ولا ابي اشوف زولك بين جمع الحاضرين
الكرامه عندنا ماتهز بكثر مال = لو تموت النفس تركع للكرامه كل حين
ياما اصحاب نسينا وياما حب راح زال = لأجل اعطر بشت عزي من ورود وياسمين
خل يطفى الكيد يمكن كثر وقت واحتمال = يصد نفسي عن مرد الدين بالغالي الثمين