|*¨®¨*|نزف الجروح|*¨®¨*|

[يوسف بن صالح]

نزف الجروح ان مالقى من يداويـه=لاخير في حبي ولا في الهوى خيـر
قصر الوفا يا همنـا كيـف نبنيـه=واثر القصر صايـر بقايـا طباشيـر
أزرع جنوني حلـم والليـل يجنيـه=جنـة امـل مابيـن زرع ونوافيـر
واطلق عنان الريـح للوجـد يطويـه=في وسط جرحي جرح غنى به الطير
ان كان عشت الصبح في قمة التيـه=ماهمني في الليل طـول المشاويـر
لا يا بقايا هالزمـن عـذرك انسيـه=ماهوب انا من عاش يرجي المعاذيـر
الوقت قاسي والوفـا ويـن الاقيـه=في وسط ناس(ن) همها تجرح الغير
انا..انا , اضمي الزمن وارجع ارويـه=اعيش يومـي ماحسبـت المخاسيـر
الليل يبقـى ليـل والنـور يضويـه=والصبح ضاوي لو طفيت النواويـر
مادام همـي ينتخـي كيـف اخليـه=بسري معـه والله يجيـب التدابيـر
بحاول احرق همنـا واحتـرق فيـه=واسقي ظلام الوقت ضـي المقاديـر
ومـدام قلتـي حـب بقـول خليـه=ضعف النفوس وحبهـا بـس تبريـر
من قال احب اطلب لـه الله يشفيـه=حب وطلب خاتـم ولبسـة اساويـر
الحب ماهو حرف يكتـب ونمحيـه=الحـب مايوصـف جنابـه تعابيـر
فان كان عندك للوفـا قـول هاتيـه=وان كان ودك تلعبـي بـي محاذيـر
الـورد كانـه مالقـى مـن يسقّيـه=يموت مايرجـي عجـاج المواطيـر



وسلامتكم



محبكم / يوسف بن صالح