((,,,ينـــابيع .. العـــطاا ,,,))

[النهر الخالد]

لا تعاتب

الايام

ولا

تظلم

الوقت


رايتها

هكذا

فاليكم

التفاصيل

..

....

.....

«®°·.¸.•°°·.¸¸.•°°·.¸.•°®»
لاتعاتب الأيام ولا تظّلم الوقت = الظاهر إنا بالمشاعر كبرنا !!
ماتت بنا اللهفه وبأحوالنا ضقت = ولا ظن ينفعّنا لو إنا صبرنا !!
خلك مع اللي في هواهم تعلقت = لا بد ما تذكر ليالي سهرنا !!
الله يسهّل دربك اللي به اشرقت = وعكس اتجاهك يمت الغرب سرنا !!
يا ليتني في حبكم ما توهقت = لو كنت وافي لجلنا ما خسرنا !!
يبدو لي انك من سواياك ما فقت = وجفّت ينابيع العطا من نهرنا !!
وش عاد باقي في حناياي ما رهقت = مات الزمان اللي بقربك عَمرنا !!
ترى المحبه ما هي أوقات لا رقت = سلّيت سيفك من جفاك ونحرنا !!
هذي هي الدنيا لو انك تحققت = ومن شاف حالك بالهوى ما عذرنا !!
ركزت جرحك في خفوقي وعمّقت = ما كننا بالحب ليله سمرنا ؟!
وما كنك اللي هدّه الشوق واشتقت = وان زاد شوقك باللقا لك حضرنا !!
لا شفتني صديت عنى ودنّقت = الله لنا من يوم قلبك هجرنا !!
ليتك من اللي قال فيني توثّقت = ما كان ضاقت نفسنا من قهرنا ؟!
بكل الهموم اللي على الكون طوّقت = قلبٍ على حب الوفا بك غمرنا !!
ولا تعاتب الدنيا ولا تظلم الوقت = مدام هذا بالمحبه قدرنا !!

«®°·.¸.•°°·.¸¸.•°°·.¸.•°®»

ولكم ودي


النهر الخالد