احدٍ يروح ولا نسوه المحبين في وفاة الشيخ زايد

[الطائر المهاجر]

في وفاة الشيخ زايد
http://www.fatahilah.com/up/zyd.mp3

احدٍ يروح ولا نسوه المحبين = واحدٍ ولا احدٍ يذكره لو بقى حي
هذا فعوله واضحه في الميادين= بالخير والمعروف ضيّ على ضي
يعطي ولا ياخذ ويرعى المساكين= يرجي رضا ربه ولا يبخل بشي
وهذا يبي دنياه ما فكّر بدين = يحسبه خالد ما تناهى عن الغي
ياخذ ولا يعطي ولا يعرف اللين= جبّار قاسي في مماشيه كالعي
راح البطل والرجل تبقيه ثنتين = ذكرٍ حسن وإلا عيال كما الفي
ما مات زايد لو نعته الملايين = انا اشهد إنه في قلوب العرب حي
يكفي وقوفه في العراق وفلسطين= وتكفي مشاريع الصحاري بها ري
إنسان متواضع يلاقيك بالزين = وينصحك كالوالد ويرعاك كالخي
الكل عنده واحدٍ دون تعيين = الفعل مقياسه من العدل له طي
داره شقلها كالصقر بالجناحين = وشعبه غدا له صيت ما صار له زي
لو ما بكوه اليوم لاشك مخطين= الدمع يرخص دام بالقلب كالكي
فرقاه صعبه فاتركوا هامل العين= يذرف بحرقه لو نشف منّها المي
قولوا معي يا اهل الإمارات آمين = يقبله ربي في رياض لها في
في عالي الفردوس بين النبيين = ومع خيرة الأبرار ضي على ضي