جاني يقول الحب

[الطائر المهاجر]

http://up.ftahilah.com/up/uploads/mysongs/JanyYgoolfd.rm

جاني يقول الحب دمّر حياتي= وانا انسحرت وجاهلٍ في تداويه
ودي بفكّه قبل وقت الفواتي= فالعمر راح ولا بقى غير تاليه
حبي تغيّر صار مصدر عناتي = من بعد ما كنت المنى في تمنيه
قلت انت يالمسكين مالك نجاتي= فالحب بحرٍ مظلمات موانيه
قبلك كثيرٍ ندم قبل المماتي = لما انكشف له شي في يوم خافيه
فالحب سحر الروح اعيا الرواتي = محدٍ عرف سره ولا ادرك معانيه
البعض رباني جميل الصفاتي= والغالبية طعم كل البلى فيه
لاهداف لو هي تختلف باالسماتي= المصلحه غاية شعار تغطيه
ياقع به اللي يتبع المغرياتي= همه يبي حبٍ يبيعه ويشريه
حتى تصيده بسمةٍ من شفاتي = وكلمة حبيبي غير حبك فلا ابيه
يافارس احلامي وغاية مناتي= افزّ من نومي وانا احلم الاقيه
طعمٍ خبيثٍ ياكله في هداتي= ولا يوم فكّر في العواقب وتاليه
يجي على وجهه على ادنى غضاتي= ويهيم في وهمٍ على الطول يعميه
يروح عمره ما درى بالخفاتي= حتى تجي لحظه ويفهم خوافيه
كلت الطعم ياصاحبي لا تحاتي= وفكر بعقل لا يبين الخلل فيه
فانتَ وطيت الداب تحت النباتي = تحسبه مثل الحبل يمكن توطيه
حتى لسعك ولا دريتَ السواتي= صرت متعلق بين نابه وفكيه
اليوم ما يمديك فات الفواتي = فخله وراء ظهرك فلا لك بطاريه
من قال احبك يامناي وحياتي= لاتصدقه لو كنت بالحيل تغليه