يحرقون الهنود الرجل بعد الوفاه

[الطائر المهاجر]

يحرقون الهنود الرجل بعد الوفاه=والعرب يحرقون الرجل لو كان حي
بين داعش وحشد وحوثي ومن ولاه=وبين طاغي وظالم ناهب كل شي
وفي المقابل ضعيف ما تهنى بعشاه = مالقى من يعينه في تكاليف مي
او مشرد تدمّر بيته اللي آواه = او طفل يبكي امه يوم قتلت بفي
او فقير يشوف الكهرباء في غلاه = او رسوم تزايد خلته شبه عي
او رجل حر ماله غير آه وآه= من زمان تردى مظلم دون ضي
ان تكلم يقولوا شوفوا اللي وراه= وان سكت زاد جرحه مانفع فيه كي
الصهاين تخطط والعرب في عماه = والخيانات باعت كل دار وحي
مالنا غير قولة رحمتك يا اله = تعدل اوضاع ضاعت بين فجر وغي