أكسر جدار الصمت بحوارك

[عبدالعزيز العقيدي]

إكسر جدار الصمت بحوارك
**لا تجلس بجنبي بلا حس
يا ما كسرني الهاجس وزارك
***يا قلبك القاسي ولا تحس

نافح ورود الشوق بعطارك
*** تتفتح بطالع صبح شمس
مليت ها التحذير وأخطارك
***مكتوب فوقه يمنع اللمس

لو أسلك من وين مشوارك
***جاوبتني بالغمز والهمس
ما أريد توحي موجز أخبارك
***عطني علوم اليوم والأمس

من غيرتي محروق(ن) بنارك
***وأنته تزيد حروقه بحمس
سلمت لك وأنته على خيارك
***ما يبرد فوادي سوى اللمّس

لآن الغلا بحرك وبحارك
***لا تغرق اللي يعشقك طمس
ليتك حبيبي تترك اشوارك
***وتفصح عن اللي بخاطرك بس

كانك تباني أحط لك سالك
***حاظر ترى نص العشر خمس