اجاهد النفس وامنعها من الزله

[الطائر المهاجر]

اجاهد النفس وامنعها من الزله = واعز نفسي عن الحاجه للادنيني
واقنع برزقٍ يجي من الله بحله = وامد رجلي قدر لحفٍ تغطيني
اعيش حرٍ ولا انزل منزل الذله = من شان مكسب مثل بعض الدنيئيني
لاني اعرف العمر لو طال مد له = في يوم ارحل ولاشي يخاويني
ويبقى الذكر كان طيب فالحمدلله= وان كان غيره فلا احدٍ يوم ناعيني
واللي يفكر بعقلٍ تحكمه مله = يدري بأنا نقلد للمعاديني
وقت المصالح يحكم الخلق ويذله =وكلٍ ورا الفلس يركض كالمجانيني
حضارة الغرب جتنا تجلب العله= المد مادي وفي كل المياديني
يقيّم الرجل بفلوسه من الشله = ومن زاد كنزه غدا شيخ بتمكيني
ولو هو كسبها حرام محد بفطن له= رشوه ونهب ومخدر للبريئيني
تخبره طرطور شغله يجمع الجله=وفجأه تشوفه من اصحاب الملاييني
يشري بفلسه ضمير مات ويجله = من كل فاسد بقومٍ تدعي الديني
حتى الفساد انتشر والناس تقبل له=واللي شريف يحاربه الردييني
ما عاد تقدر تخلص حق وتحله = من دون رشوه واو كالضلاعيني
مالي سوى اقول المشكى على الله= لعل يصلح لنا الاحوال ويعيني