بحر مرساي

[شوقي العامري]

.
بـحـر مــرسـاي
.

من اللي كسا وجهك حزن وأستلذ أبكاي=من اللي كسر صبرك وبعثر مواصيلك

من اللي سرق نومك وضيّع خطا ممشاي=من اللي دفن حلمي ومزّق مراسيلك

من اللي جرح شوقك وقطّع عروق أحشاي=من اللي قطف غرسك وجمّد محاصيلك

عجزت أهظم الواقع وأداري حزن شكواي=وألي جيت لك مغرم بكتني مواويلك

يموت الهوى فيني وتظلم سما دنياي=وأنا لوبقيت أرحل عصتني مداهيلك

متى ترخي أحْبالك وتمسك طرف يمناي=متى ينتهي غيضك وتبري تعاليلك

متى يبتسم حظي وتطفي جمر بلواي=متى تضوي أشْموعي وتشعل قناديلك

تعال أعزف أوجاعك على صدْر ليلي ناي=تعال أجمع أوراقي وبعثر غرابيلك

ولو هزّني بعدك وصار السهر سلواي=ترى مانزل قدرك وجفت فناجيلك

ولو مرّبك طيفي وفاض الهوى بغناي=طلبتك تبلل من دموعي مناديلك

ولو تاْه نجمك وأستساق العشق منفاي=عبس كلّ قلب ٍ كان بالحب ياوي لك

ولو شحّ بي وصلك وملك بحر مرساي=باظل أذكرك وأذكر معي كل تفاصيلك

.
.
.