ياصباح الخير ..

[حرف وشعر]

ياصباح الخير بالوجه الصبوحى=ياكمال الزين بالوجه المليح
ياعيون(ن) رمشها للحب يوحى=لوتكلم قال احبك بالصريح
والسهام اللى على الطرف الذبوحى=يقنصن طير الهوى حتى يطيح
مركب العشاق شرعانه تلوحى=ينتله موج الهوى مع كل ريح
والمولع ياسعد امره فضوحى=ومن سلك درب الهوى مايستريج
والغوانى مالهن راي(ن) نصوحى=سيّما ربة الطرف الصحيح
شوف قيس اللى على ليلى ينوحى=لاذكرها يبتسم حتى يصيح
وشوف طير الجو لى دايم نزوحى= لاعشق اصبح على وكره طريح
ومن سمع شعرى وقيفانى وبوحى=يعلم انى فى الهوى قلبى جريح
لو كتمت وقلت مابى من جروحى=بان من حالى وش القول الصحيح