اشرب مرار الود ...

[حرف وشعر]

اشرب مرار الود من كف يده=واستعذبه واقول ياود محلاك
واصبر على هجره وبعده وصده=وامسح من احروف الهجر كلمة انساك
واصبر على سنع الهوى والموده= مادام فى سنع الهوى كلمة اهواك
وان طال صبرى واصبح الوقت ضده=اقول ياقلب العنا انت لولاك
ماطحت فى بحر المحبه ومده= وهذا تنكرلك وهذا تناساك
الحب ياقلب العنا فيه شده=شوف الزهر ينبت على روس الاشواك
واصدّق امزوحه وهزله وجده=لاقال تلقانى على موعدى ذاك
ويزورنى طيفه انا واستمده=واسمر معه واقول ياطيف حياك
حياك ياطيف(ن) يجينى لمده=ويزيدنى شوق وتناهيت وارباك
ياطيف علمنى عن اللى اوده=هل هو على عهد المحبين هذاك
ولا نسى بعد الوفاء كل عهده=وعلق افوادى بين باب(ن) وشباك
غض(ن) اذا مازارت الشمس خده=فتّح وصار الورد للورد ضحاك
وان قام يمشى فى الخوندات وحده=كنه قمريمشى على بيض لفلاك
وان هبته ريف الصبا مال قده= كنه معا ريف الصبا ريم لاراك
يابوحسن باب الهوى من يصده= واصير انا عند النواسيك نسّاك
واترك انا درب الهوى واسترده =قلب(ن) من اسباب الهوى ياعلى جاك
يشكوا وليف(ن) راح من دون رده=وانا على ذاك الوعد عايش هناك