اقطف زهور الحب من بين الاشواك

[نجم الإبداع]

ياقلب من جا يدعي بالمحبه=ويقول انا من بدة الناس بهواك
اليوم سعّر للمخاليق حبه = صدقت منهو عن مفاليك لهواك
لاتحسبه ظلك عن البرد جبه=ولاتحسبه ميناء ومن حوله اشواك
الين بان الغدر في كل غبه=وصار بافواه المخاليق مسواك
كم قلت له لب الندى خير لبه=وكل مره بعتذر لي وبحواك
واليوم رح ياطير قل له ونبه =قل له عن القلب المتيم وش اغواك
وقل له اني قد تسليت عقبه=وان الخفوق اليوم مملوك لسواك
دام ان جرحي اليوم حصلت طبه=ماعاد لي فاقه وحاجه بشرواك
انا صدقت وكلت هذي مطبه=وانته كذبت وماعليه ببلواك
كلن على كذبه يجازيه ربه=وانته على الخلاق ياقلب سلواك
ياقلب دام انك بدرب المحبه=اقطف زهور الحب من بين الاشواك