يالكرسي الدوار

[سعيد عوده الحويطي]

اخواني اعضاء منتدى الفطاحلة الكرام اقدم لكم هذه القصيدة وارجوا ان تحوز على رضاكم .


يالكرسي الدوار كم جاك مغرور=وتخيل انه يملكك من غروره
والوقت له دورات والكرسي يدور=وكم واحد يرميه في كل دوره
كم اجودي غيبت واظهرت مغمور=وسويت له بين المخاليق صوره
واللي على الكرسي جلس يوم مسرور=لابد له من يوم يخلف سروره
يروح ماقالو له الناس مشكور=وتحمدوا الله يوم راحت شروره
مغتر في دنياه ولا يحسن الدور=ولا احد درى عن غيبته من حضوره
والعاقل اللي يمر والحال مستور=الله يهيئ له مسالك عبوره
مسرح حياة وكل مخلوق له دور=والناجح اللي يحسن الله دوره