الطامي
20-04-2013, 12:31 PM
وش حصل لي بيوم السبت وانا اتسوِق = شفت فيه الغزال اللي عجبني كلامه
شفتها صدفة وانا بفالي مروِق = طبعها من بنات الباديه والجهامه
(قلت ياقلب هيد جعل ابرك عشوَق = لاتولع بمن قفى فدتك الجهامه
قال لي انت وشبك ماتشوفن مطوَق = جيش حبه غزاني لاتلحقني ملامه
ردني في غرامه وانا قبله مفوِق = واختبص عندي الميزان يالله السلامه)
التفت لي وغرَد من عيون المشوَق = وارجهن الشجاع اللي نزل من مقامه
وقال ياهيه وشبك انت بس اتنوَق = ماتشوف الخلايق كلهم في تمامه
روح دور على اللي بالشهاده تفوَق = واترك اهل البوادي نازلين العدامه
قلت خافي من الله صرت منش معوق = لالسان يهجٍي ولاتشيلن عظامه
ارحمي الحال مني من لباسٍ مضوَق = وسعي دفة الستره وخشي العلامه
مثلكم ماتركتو في المدنيه تذوِق = ماكلين الخضر واليابسه والهلامه
الله اكبر عليكم يابوادي التسوق = اشهد ان السلامه منكم هي السلامه
ملاحظه:-
مابين القوسين خطاب مع القلب
شفتها صدفة وانا بفالي مروِق = طبعها من بنات الباديه والجهامه
(قلت ياقلب هيد جعل ابرك عشوَق = لاتولع بمن قفى فدتك الجهامه
قال لي انت وشبك ماتشوفن مطوَق = جيش حبه غزاني لاتلحقني ملامه
ردني في غرامه وانا قبله مفوِق = واختبص عندي الميزان يالله السلامه)
التفت لي وغرَد من عيون المشوَق = وارجهن الشجاع اللي نزل من مقامه
وقال ياهيه وشبك انت بس اتنوَق = ماتشوف الخلايق كلهم في تمامه
روح دور على اللي بالشهاده تفوَق = واترك اهل البوادي نازلين العدامه
قلت خافي من الله صرت منش معوق = لالسان يهجٍي ولاتشيلن عظامه
ارحمي الحال مني من لباسٍ مضوَق = وسعي دفة الستره وخشي العلامه
مثلكم ماتركتو في المدنيه تذوِق = ماكلين الخضر واليابسه والهلامه
الله اكبر عليكم يابوادي التسوق = اشهد ان السلامه منكم هي السلامه
ملاحظه:-
مابين القوسين خطاب مع القلب